Fernando Gago til Real Madrid (Staðfest)

Argentíska félagið greindi frá þessu í fréttatilkynningu í gærkvöldi og bindir það enda á viðræður milli félaganna sem hófust fyrir nokkrum mánuðum, þegar Real fóru fyrst að spyrjast fyrir Gago sem er oftar en ekki líkt við landa sinn Fernando Redondo.

Boca sögðu að Real ætlaði að borga 9 milljónir dollara strax, aðrar níu milljónir á einu ári og síðustu níu milljónirnar á tveimur árum. Gago eru þriðju kaup Real á stuttum tíma en þeir fengu nýlega til sín Argentínumanninn Gonzalo Higuain frá River Plate og Brasilíumanninn Marcelo frá Fluminese.