Spánn: Granada fallið eftir ótrúlega lokaumferð

Það var gríðarleg dramatík í fallbaráttunni þar sem óvænt niðurstaða fékkst - Granada er fallið úr efstu deild.

Mallorca og Cadiz björguðu sér frá falli með sigrum í dag en Granada gerði markalaust jafntefli við Espanyol þrátt fyrir ótrúlegan sóknarþunga á lokamínútunum. Þar komust heimamenn þrisvar sinnum nálægt því að gera sigurmark í uppbótartíma en inn vildi boltinn ekki.

Carlos Bacca og félagar í Granada eru því fallnir. Eina leiðin fyrir þá til að falla var að bæði Mallorca og Cadiz myndu vinna á útivelli í lokaumferðinni - sem gerðist.

Mallorca vann frábæran útisigur á Osasuna til að bjarga sér á meðan Cadiz lagði Alaves á útivelli með marki frá Choco Lozano.

Mallorca og Cadiz enda með 39 stig á meðan Mallorca fellur með 38.

Granada 0 - 0 Espanyol

Alaves 0 - 1 Cadiz
0-1 Choco Lozano ('76)

Osasuna 0 - 2 Mallorca
0-1 Angel ('47)
0-2 Clement Grenier ('83)

Elche 3 - 1 Getafe