22.06.21 - 09:38
Elvar Geir Magnússon
UEFA leyfir ekki regnbogaliti á leikvangnum
Regnbogalitaður Allianz Arena á leik í þýsku deildinni í upphafi ársins.
Mynd: Getty Images
Regnbogalitaður Allianz Arena á leik í þýsku deildinni í upphafi ársins.
Mynd: Getty Images
Borgarstjóri München í Þýskalandi, Dieter Reiter, sendi inn beiðni til UEFA um að regnbogalitir myndu umkringja Allianz Arena leikvanginn fyrir leik Þýskalands og Ungverjalands á EM alls staðar á morgun.
Reiter sendi inn beiðnina til að mótmæla nýjum reglum í Ungverjalandi sem banna fólki að deila hlutum sem eru talin styðja við samkynhneigð eða kynbreytingu til fólks sem er undir 18 ára.
Reiter sendi inn beiðnina til að mótmæla nýjum reglum í Ungverjalandi sem banna fólki að deila hlutum sem eru talin styðja við samkynhneigð eða kynbreytingu til fólks sem er undir 18 ára.
UEFA, knattspyrnusamband Evrópu, hafnaði beiðni þýsku borgarinnar á þeim forsendum að hún sé pólitísks eðlis.
Í yfirlýsingu UEFA segir að sambandið sýni því skilning að ætlunin sé að senda skilaboð til að styðja við baráttu fyrir mannréttindum en málefnið snerti pólitík og UEFA sé stjórnmálalega og trúarlega hlutlaust.
Í yfirlýsingu UEFA segir að sambandið sýni því skilning að ætlunin sé að senda skilaboð til að styðja við baráttu fyrir mannréttindum en málefnið snerti pólitík og UEFA sé stjórnmálalega og trúarlega hlutlaust.
