Verð að hrósa ÍR liðinu fyrir þeirra skipulag
Víkingur Ólafsvík vann dramatískan sigur á ÍR eftir að hafa skorað sigurmark úr vítaspyrnu seint í uppbótartíma. Emmanuel Eli Keke skoraði úr vítaspyrnunni eftir að Vignir Snær hafði krækt í vítaspyrnu. Víkingar lyftu sér upp í annað sæti deildarinnar, tveimur stigum frá toppliði HK sem koma einmitt í heimsókn til Ólafsvíkur í næstu umferð.
Lestu um leikinn: Víkingur Ó. 2 - 1 ÍR
"Þetta var alveg að sigla í jafntefli en svo fáum við vítið og það er bara mjög gott að fá þrjú stig. Ég verð að hrósa ÍR liðinu, þeir voru mjög skipulagðir og vissu nánast alltaf hvað við ætluðum að gera. Það var mjög erfitt fyrir okkur að skapa færi og á sama tíma voru þeir mjög hættulegir þegar þeir unnu boltann"
Gonzalo Zamarano tók út leikbann í dag og Ívar Reynir og Ingibergur Kort á meiðslalistanum og því þurfti Kwame Quee að spila sem fremsti maður í dag. Ejub tók undir það að það hafi sést vel að sínir menn væru án framherja í leiknum.
"Það var mjög erfitt að spila uppi og þú sérð þegar menn eru ekki vanir að vera fremstir þá eru þeir alltaf að fara í aðrar stöður til að fá boltann og þegar við náum að sækja upp og fáum tækifæri til að koma boltanum fyrir þá var alltaf bara einn eða ekki neinn í boxinu"
Ejub segist ætla að reyna fá framherja í glugganum en Ólsarar ætla bara að reyna að gera það besta úr þessu sumari
Viðtalið má sjá í heild sinni hér að ofan
Athugasemdir