Íslensku Evrópuleikirnir allir á Sýn

Næstu leikir íslensku liðanna sem taka þátt í forkeppnum Evrópukeppnanna verða allir sýndir á Sýn Sport. Þetta kemur fram í frétt sem birt var á Vísi í dag.

Þrír leikir eru á dagskrá á morgun og svo fjórir í næstu viku.

Um er að ræða Evrópuleiki Víkings, Stjörnunnar, Vals og Vestra. Víkingur er í 2. umferð forkeppninnar í Meistaradeildarinni, Íslandsmeistararnir leiða einvígi gegn ísraelsku meisturunum í Hapoel Be'er Sheva með einu marki eftir fyrri leikinn sem spilaður var í gær, og hin þrjú eru í 2. umferð forkeppninnar í Sambandsdeildinni.

Fótbolti.net verður með beina textalýsingu frá öllum leikjunum og fylgir Víkingum með til Ungverjalands þar sem seinni leikurinn við Hapoel verður spilaður.