Salah byrjaði á bekknum
Mohamed Salah, besti leikmaður Liverpool síðustu ára, hefur átt erfitt uppdráttar á þessari leiktíð eins og margir aðrir í liðinu, en það mátti sjá á líkamstjáningu hans að hann hafi ekki verið sáttur með að sitja á bekknum í Meistaradeildinni í kvöld.
Arne Slot tók þá stóru ákvörðun að setja Salah á bekkinn gegn Frankfurt.
Hann treysti á þá Hugo Ekitike, Alexander Isak og Cody Gakpo í fremstu víglínu sem virtist ganga nokkuð vel fyrir sig. Gakpo og Ekitike skoruðu í leiknum, en Isak kom sér í nokkur færi áður en hann fór meiddur af velli í hálfleik.
Salah var bersýnilega mjög ósáttur með að að vera á bekknum, en hann fékk að koma inn á undir lok síðari hálfleiks.
Egyptinn kom sér í góða stöðu eftir að hann kom inn á er hann slapp inn fyrir hægra megin. Markvörður Frankfurt gerði vel að loka nærhorninu, en við hlið Salah var Florian Wirtz sem var í dauðafæri en Egyptinn kaus að skjóta sjálfur og klúðraði færinu í kjölfarið.
Stuðningsmenn Liverpool á X eru margir hverjir ósáttir við Salah og eigingirni hans í færinu og vilja helst af öllu að Slot haldi honum á bekknum er Liverpool mætir Brentford um helgina.
Aðrir benda þó á að enginn viti í raun hvað Salah sé að ganga í gegnum. Hann missti Diogo Jota, góðvin sinn í Liverpool, í sumar, og mismunandi eftir fólki hvernig það tekst á við sorgina og nú sé tíminn til að sýna besta leikmanni síðustu átta ára þá ást og umhyggju sem hann á skilið.
Salah, sem er 33 ára gamall, hefur komið að sex mörkum í öllum keppnum á þessari leiktíð, en ekki tekist að ná í mark né stoðsendingu í síðustu þremur deildarleikjum.
Salah should not come back into the XI on Saturday. Simple as.
— Anfield Edition | æ (@AnfieldEdition) October 22, 2025
Salah hates Wirtz lol pic.twitter.com/sIuuaKMeO3
— ????????????™? #20TIMES???? (@KayLFC05_) October 22, 2025
Athugasemdir
