Martin Dubravka, markvörður Slóvakíu, byrjaði ansi vel gegn Spáni á Evrópumótinu þegar hann varði vítaspyrnu Alvaro Morata.
Hann breyttist hins vegar fljótlega úr hetju í skúrk.
Dubravka, sem leikur með Newcastle á Englandi, skoraði eitt klaufalegasta sjálfsmark sem bara sést hefur.
Pablo Sarabia átti skot í slána og skaust boltinn upp í loft. Dubravka var eitthvað óöruggur því hann endaði á því að slá boltann í eigið mark. Gríðarlega klaufalegt hjá honum en þetta opnaði flóðgáttirnar fyrir Spánverja.
Staðan er núna 3-0 fyrir Spán sem hafði átt í vandræðum með sóknarleik sinn fyrir þetta mark.
Hægt er að sjá markið hér að neðan.
Martin Dúbravka með alvöru trúðamark í eigið net 😅 #SVK #EURO2020 #emisland pic.twitter.com/BgSfrWaUem
— Stöð 2 Sport (@St2Sport) June 23, 2021
Athugasemdir