Miðjumaðurinn Theódór Elmar Bjarnason kom inn á sem varamaður þegar Lamia vann góðan útisigur á Larissa í grísku úrvalsdeildinni á þessum miðvikudegi.
Elmar var settur inn á völlinn á 88. mínútu og hjálpaði hann sínu liði að landa sigri.
Leikurinn endaði 0-1 en sigurmarkið skoraði Georgíumaðurinn Bachana Arabuli undir lok fyrri hálfleiks.
Lamia var á botni grísku úrvalsdeildarinnar þegar Elmar kom til félagsins í janúar en er núna komið upp í 12. sæti af 14 liðum. Liðið er með 18 stig eftir 22 leiki.
Theódór Elmar hefur komið við sögu í 11 deildarleikjum á tímabilinu og þar af hefur hann byrjað fjóra.
Athugasemdir