Haukar og Völsungur áttust við í fótboltaleik síðasta föstudag sem var gríðarlega skemmtilegur fyrir hlutlausa aðdáendur.
Gestirnir frá Húsavík mættu í leikinn af miklum krafti og þeir fóru inn í leikhléið 2-0 yfir.
Santiago Feuillassier Abalo, sem skoraði frábært mark í fyrri hálfleik, fékk að líta sitt annað gula spjald snemma í seinni hálfleik og Völsungar einum færri. Haukar minnkuðu muninn en svo skoraði Sæþór Olgeirsson frábært mark og kom gestunum í 3-1. Haukar gáfust hins vegar ekki upp og náðu að jafna. Þeir náðu þó ekki að vinna og lokatölur 3-3.
Rauða spjaldið snemma í seinni hálfleik hafði mikil áhrif á leikinn en Santiago fékk seinna gula spjald sitt fyrir meintan leikaraskap.
Hér að ofan má sjá myndband af seinna gula spjaldinu sem Santiago fékk. Það gerði Húsvíkinga ekki glaða.
Hvernig í andskotanum er þetta seinna gula fyrir dýfu ???? #fotboltinet plís einhver að svara mér!! @gudnibergs taka þennan dómara af launaskrá takk. Almáttugur hvað þetta er slakt jesus minn pic.twitter.com/8Qm8GxPYCN
— Óskar Páll Davíðsson (@Goggarinn) May 21, 2021
Athugasemdir