Ingimar Arnar seldur til Danmerkur

Ingimar Arnar Kristjánsson er samkvæmt heimildum Akureyri.net á leið frá Þór til danska félagsins Århus Fremad sem leikur í næst efstu deild þar í landi.

Í frétt Akureyri.net segir að Ingimar haldi utan í dag, fari í læknisskoðun á mánudag og muni skrifa undir þriggja ára samning ef ekkert óvænt kemur upp.

Ingimar er uppalinn Þórsari, framherji, sem er fæddur árið 2005. Hann hefur skorað þrjú mörk í Bestu deildinni í sumar. Hann skoraði gegn Val og KR í fyrstu tveimur leikjum tímabilsins og skoraði svo gegn Val í lok síðasta mánaðar. Með því tvöfaldaði hann heildarmarkafjölda sinn í deildarleikjum á ferlinum.