lau 24. ágúst 2019 20:31
Ívan Guðjón Baldursson
Gary Martin: Versta tilfinning sem ég hef fundið
Mynd: Fótbolti.net - Hafliði Breiðfjörð
Gary Martin gekk í raðir ÍBV um mitt sumar í tilraun til að bjarga félaginu frá falli en fjögur mörk í átta leikjum dugðu ekki til.

ÍBV féll eftir 2-1 tap gegn ÍA fyrr í dag og skoraði Gary eina mark Eyjamanna í leiknum. Það var glæsilegt en skilaði ekki inn stigi.

Gary Martin gaf frá sér yfirlýsingu á Twitter eftir leikinn þar sem hann þakkar fyrir sig.

„Ég vil þakka ÍBV fyrir að gefa mér tækifæri til að spila fyrir félagið. Að falla er versta tilfinning sem ég hef fundið en ég gaf mig allan í þetta verkefni," skrifaði Gary.

„Fólkið hjá félaginu, stuðningsmenn og Eyjamenn hafa verið mjög góðir við mig, ég vildi óska þess að við gætum snúið þessu við."


Athugasemdir
banner
banner
banner
banner