Federico Valverde er ansi fjölhæfur miðjumaður. Hann leikur fyrir stórveldi Real Madrid og er lykilmaður í úrúgvæska landsliðinu.
Hann var í liði Úrúgvæ sem spilaði æfingaleik við Íran í gær og tapaði honum óvænt þrátt fyrir mikla yfirburði.
Valverde er afar skotfastur og komst nokkrum sinnum nálægt því að skora í leiknum en alltaf tókst varnarmönnum Íran að fórna sér fyrir bylmingsskotin.
Þegar skotin eru öll tekin saman og sett í myndband kemur í ljós að Valverde var alltaf að þruma boltanum í sama andstæðing, leikmanninn í treyju númer 4, Shoja Khalilzadeh.
Athugasemdir
