Jon Dahl Tomasson til Villareal á láni (Staðfest)

Tomasson sem er þrítugur kom til Stuttgart árið 2005 en hann hefur ekki átt fast sæti í byrjunarliðinu á þessari leiktíð. Hann hjálpaði Feyenoord að vinna Evrópukeppni Félagsliða árið 2002 og ári síðar vann hann Meistaradeildina með AC Milan.

Tomasson er annar leikmaðurinn sem Villareal fær í félagaskiptaglugganum en hinn er miðjumaðurinn Matias Fernandez frá Chile.

Villareal hefur gengið illa á leiktíðinni og situr í ellefta sæti spænsku deildarinnar en liðið hefur ekki náð að fylgja eftir góðum árangri frá því á síðasta tímabili þegar það komst í undanúrslit Meistaradeildarinnar.