Sheffield United fær tvo leikmenn (Staðfest)

Shelton sem er framherji frá Jamaíku hefur skrifað undir samning út 2010 og kostar hann úrvalsdeildarliðið 1,85 milljónir punda. Fathi er með jafn langan samning og kemur hann á 700,000 pund frá Ismaily í Egyptalandi.

Shelton og Fathi gætu spilað fyrstu leiki sína gegn Fulham í úrvalsdeildinni en það er næsti leikur Sheffield. Warnock hefur verið duglegur í janúar og fengið til liðs við sig fimm leikmenn, þá Matthew Kilgallon, Mamadou Seck og Jon Stead og svo Fathi og Shelton.