Everton og Manchester United hafa samkvæmt talkSPORT bæði áhuga á því að fá Wilfred Ndidi, leikmann Leicester, í sínar raðir.
Ndidi er nígerískur miðjumaður sem er með níu milljóna punda riftunarákvæði í samningi sínum sem hægt er að virkja núna í sumar þar sem Leicester féll úr úrvalsdeildinni.
Ndidi er nígerískur miðjumaður sem er með níu milljóna punda riftunarákvæði í samningi sínum sem hægt er að virkja núna í sumar þar sem Leicester féll úr úrvalsdeildinni.
Ndidi verður 29 ára í desember. Hann hefur verið hjá Leicester síðan 2017 þegar hann kom frá Genk í Belgíu.
Hann varð bikarmeistari með Leicester 2021 og á að baki 66 landsleiki. Hann lék 28 deildarleiki með Leicester á liðinni leiktíð.
Athugasemdir
