Wout Weghorst og Maximilian Arnold gerðu mörkin og leiddu heimamenn sanngjarnt 2-0 í leikhlé.

Gestirnir frá Bielefeld gerðu tvær skiptingar í hálfleik og reyndu að koma til baka en það tókst ekki. Sven Schipplock kom inn á 77. mínútu og skoraði skömmu síðar en það dugði ekki til.

Wolfsburg er með sjö stig eftir sigurinn þar sem liðið gerði jafntefli í fjórum fyrstu leikjum tímabilsins. Þetta var þriðja tap Bielefeld í röð og er liðið með fjögur stig eftir fimm umferðir.

Wolfsburg 2 - 1 Arminia Bielefeld
1-0 Wout Weghorst ('19)
2-0 Maximilian Arnold ('20)
2-1 Sven Schipplock ('80)

Werder Bremen tók þá á móti Hoffenheim og komust heimamenn yfir strax á fimmtu mínútu þegar Maximilian Eggestein skoraði sitt fyrsta mark á tímabilinu.

Hoffenheim brást fljótt við og jafnaði Dennis Geiger um miðjan hálfleik. Gestirnir frá Hoffenheim voru betri í leiknum og óheppnir að standa ekki uppi sem sigurvegarar að lokum.

Bremen er með átta stig eftir fimm umferðir. Hoffenheim er með sjö stig.

Werder Bremen 1 - 1 Hoffenheim
1-0 Maximilian Eggestein ('5)
1-1 Dennis Geiger ('22)