Skoraði fimmtán mörk í sumar.
Á að baki þrjá A-landsleiki.
Mikill bónus að enda markahæst.
Ræddi við Margréti áður en hún tók ákvörðun.
„Eftir tímabilið hafði umboðsmaðurinn samband við mig og var með einhverja möguleika. Þetta var einn af þeim. Ég skoðaði þá alla mjög vel, tók mig smá tíma til að taka ákvörðun en þegar uppi var staðið þá valdi ég þetta," sagði Bryndís Arna Níelsdóttir við Fótbolta.net á dögunum.
Bryndís endaði markahæst í Bestu deildinni á tímbilinu og samdi hún við sænska félagið Växjö fyrr í þessum mánuði.
Bryndís endaði markahæst í Bestu deildinni á tímbilinu og samdi hún við sænska félagið Växjö fyrr í þessum mánuði.
„Ég talaði við þjálfarana og mér fannst þjálfarinn og aðstoðarþjálfarinn vera með gott skipulag. Mér leist mjög vel á hvernig þeir töluðu um þetta. Svo skoðaði ég aðstæður og hún er líka mjög flott. Ég ákvað því að hoppa á þetta tækifæri."
„Það voru einhverjir aðrir möguleikar í Svíþjóð og í öðrum löndum, t.d. Danmörku, en mér fannst þetta mest heillandi."
„Það hefur alltaf verið markmiðið og draumurinn að spila úti. Þegar þetta kom upp á borðið þá fannst mér þetta líta mjög vel út. Mig langaði að eiga gott tímabil hér heima áður en ég færi út. Mér líður bara mjög vel með þessa ákvörðun."
Bryndís er tvítugur framherji sem skoraði fimmtán mörk í sumar. Var hún nálægt því að skrifa undir annan samning á Íslandi?
„Ég hugsaði bæði, það hefði alveg getað gerst, en svo gerðist það ekki."
Hvernig félag er Växjö?
„Þetta er mjög lítið félag þannig séð, félag sem kom upp fyrir síðasta tímabil. Þau eru mjög metnaðarfull og ég fann það strax á þeim að þau vildu fara hærra; eru með góðan leikmannahóp og eins og liðið er samansett núna þá held ég að við getum klárlega endað í efri hluta deildarinnar. Það er held ég markmiðið."
„Mig langar að þróa minn leik upp á hærra plan, þetta er mjög góð deild, þetta á eftir að vera erfitt en ég er tilbúin í nýja áskorun og fannst þetta vera góður staður til að bæta mig á."
„Núna er ég mjög spennt að vera fljytja frá Íslandi en ég held að það eigi eftir að síast inn að þetta eigi eftir að verða ógeðslega erfitt; að fara frá fjölskyldu og vinum í svona lítinn bæ í Svíþjóð. Þetta verður mikil breyting, en ég er mjög spennt. Ég hef alltaf gaman af því að elda og vera mikið í eldhúsinu. Núna þarf ég að gera það og ég held það sé gott fyrir mig. Ég er búin að fá nokkrar kokkabækur og er til í að elda."
Markadrottningin ræddi við markadrottninguna Margréti Láru Viðarsdóttur áður en hún samdi við Växjö. Margrét er markahæsti leikmaður í sögu íslenska landsliðsins. Margrét er líkt og Bryndís fyrrum leikmaður Vals.
„Ég átti spjall við Margréti Láru. Svo ræddi ég einnig við fjölskyldu og vini. Ég er mjög spennt fyrir þessari ákvörðun og ánægð með hana."
Mikill bónus að enda markahæst
Var markmiðið fyrir 2023 að enda markahæst í Bestu?
„Ég var bara búin að stefna að því að hjálpa liðinu að vinna titla. Það að vera markahæst er mjög mikill bónus. Það var geggjað, mig langar alltaf að skora mörk til að hjálpa liðinu. Það gekk vel í sumar."
Bryndís var aðeins á bekknum seinni hluta tímabilsins. „Heilt yfir var ég sátt, en ég hefði viljað fá meiri spiltíma í lokin. Mér fannst ég alveg eiga það skilið, en það féll bara svona. Ég var eitthvað aðeins tæp, kannski vildi hann (Pétur þjálfari) hvíla mig út af því, en ég hefði alveg getað spilað þessa leiki og ég held að hann vissi það alveg líka."
Ætlaði að brjóta sér leið inn í Valsliðið
Bryndís rétt tæplega fjórfaldaði markafjölda sinn frá tímabilinu á undan. Hvað gerðist?
;,Eftir síðasta tímabil setti ég mér það sem markmið að ná að brjóta mér leið inn í þetta lið. Ég ætlaði að vera uppi á topp og ætlaði að skora mörk. Eftir einhverja 2-3 leiki fékk sjálfstraustið og byrjaði að raða inn mörkum."
Það voru vonbrigði í haust hversu langt Valur var frá því að slát út austurríska liðið St. Pölten í Meistaradeildinni.
„Það voru mjög mikil vonbrigði. Fyrri leikurinn drap þetta hjá okkur, tíu mínútna kafli þar sem við leyfðum þeim alltof mikið. Þar fór þetta frá okkur því miður. Þetta er gott lið, vel 'drillað', eru fínar, en við hefðum alveg getað unnið þær og á okkar besta degi þá hefðum við unnið þær."
Í viðtalinu sem má sjá í heild sinni í spilaranum efst er Bryndís einnig spurð út í A-landsliðið.
Athugasemdir
