Sjáðu mörk gærdagsins í Pepsi Max: Mark frá miðjuhringnum

Það voru fimm leikir í Pepsi Max-deild karla í gær og hefur Vísir birt mörkin sem skoruð voru.

Oliver Haurits, leikmaður Stjörnunnar, skoraði frá eigin vallarhelmingi gegn Víkingi. Það mark dugði þó skammt þar sem markahæsti leikmaður deildarinnar, Nikolaj Hansen, skoraði tvívegis.

Ásgeir Sigurgeirsson skoraði glæsilegt sigurmark fyrir KA gegn Leikni og Steven Lennon gerði þrennu fyrir FH í 3-0 sigri gegn ÍA. Keflavík vann Breiðablik í annað sinn í sumar, 2-0 enduðu leikar þar sem skelfileg mistök Blika komu heimamönnum á bragðið.

Þá vann topplið Vals 3-0 útisigur gegn HK í Kórnum.