Kom flottasta mark tímabilsins í síðasta leiknum?

Breiðablik vann 3-2 útisigur gegn Stjörnunni í lokaleik Bestu deildarinnar í dag. Blikar hefðu þurft að vinna með tveggja marka mun og Stjarnan landaði því Evrópusætinu.

Anton Logi Lúðvíksson skoraði stórbrotið mark í leiknum en það má sjá hér að neðan.

„MARK TÍMABILSINS???? Stjörnumenn skalla fyrirgjöf Blika frá, boltinn lengst uppi í loftinu. Anton Logi, staddur fyrir utan teig, tekur boltann á kassann, lætur bara vaða og boltinn syngur í samskeytunum. Þetta gerir svo sannarlega tilkall til þess að vera mark tímabilsins og það kemur hér í síðasta leik deildarinnar," skrifaði Kári Snorrason í textalýsingu frá leiknum.