María Björg Fjölnisdóttir hefur skrifað undir samning við Fylki út árið 2026.
Hún er uppalin í Breiðabliki en steig sín fyrstu skref í meistaraflokki árið 2015 með Augnablik. Hún spilaði með Fylki frá 2018-2022 en hún kemur aftur til liðsins frá FHL þar sem hún kom við sögu í 13 leikjum í Bestu deildinni síðasta sumar.
Hún kemur til með að spila með Fylki í 2. deild en liðið stefnir á að komast upp í Lengjudeildina aftur eftir að liðið féll síðasta sumar.
„Við bjóðum Maríu innilega velkomna aftur til félagsins og bindum miklar vonir við að kraftar hennar nýtist liðinu á komandi tímabili, þar sem markmiðið er að komast aftur í Lengjudeildina," segir í tilkynningu frá félaginu.
Athugasemdir
