Liverpool byrjað að skipuleggja rútuferð eftir titilinn

Mynd: Getty Images

Þó að Jurgen Klopp og leikmenn Liverpool tali um að titilbaráttunni sé ekki lokið þá eru forráðamenn félagsins nú þegar farnir að skipuleggja fagnaðarlæti í vor.

Allt bendir til þess að Liverpool verði enskur meistari í fyrsta skipti í 30 ár en liðið getur aukið forskot sitt á toppnum í nítján stig þegar það mætir West Ham á miðvikudag.

Ef Liverpool vinnur West Ham á miðvikudag og Southampton á laugardag þá verður liðið með 22 stiga forskot á Manchester City áður en City mætir Tottenham á sunnudag.

Ef bæði Liverpool og City halda sama striki í deildinni þá gæti Liverpool tryggt sér titilinn með jafntefli eða sigri þegar liðin eigast við á Etihad þann 4. apríl.

Sex leikir eru eftir í ensku úrvalsdeildinni þá. Ef Liverpool landar titlinum mun liðið fá bikarinn afhentan eftir síðasta heimaleik, gegn Chelsea laugardaginn 9. maí.

Liverpool mætir Newcastle í lokaumferðinni sunnudaginn 17. maí en daginn eftir er fyrirhugað að leikmenn liðsins keyri um götur borgarinnar með bikarinn.

Margar milljónir söfnuðust saman í Liverpool borg þegar liðið mætti með bikarinn fyrir Meistaradeildina í fyrrasumar og reikna má með einhverju svipuðu í ár.

Því hafa forráðamenn félagsins, í samráði við borgaryfirvöld, strax farið að undirbúa rútuferðina með bikarinn, mánudaginn 18. maí, þó að félagið sé ekki ennþá búið að vinna titilinn.

Premier league - karlar

#	Lið	L	mun	Stig
1	Arsenal	9	+9	24
2	Man City	9	+10	21
3	Brighton	9	+17	19
4	Chelsea	9	+4	16
5	Everton	10	+2	16
6	Liverpool	9	+2	15
7	Brentford	9	+7	14
8	Bournemouth	9	+1	12
9	Tottenham	9	0	12
10	Aston Villa	9	-3	12
11	Hull City	9	+1	11
12	Leeds	9	+1	11
13	Newcastle	9	-3	11
14	Ipswich Town	9	-4	11
15	Fulham	9	-2	9
16	Coventry	10	-9	9
17	Man Utd	9	-5	7
18	Crystal Palace	9	-12	7
19	Nott. Forest	9	-6	6
20	Sunderland	9	-10	5