Elmar Kári Enesson Cogic er 23 ára.
Elvar og Ármann.
Elmar Kári Enesson Cogic hefur farið á kostum með Aftureldingu í Lengjudeildinni síðustu ár og verður virkilega spennandi að sjá hvernig hann tekst á við Bestu deildina með Mosfellingum í sumar.
Þann 5. apríl verður flautað til leiks í Bestu deildinni með viðureign Íslandsmeistara Breiðabliks og nýliða Aftureldingar. Í hlaðvarpsseríunni Niðurtalningin er rætt við stuðningsmenn og sérfræðinga um liðin í deildinni.
Aftureldingu er spáð tíunda sæti. Ármann Örn Vilbergsson og Elvar Magnússon, stuðningsmenn Aftureldingar, mættu í hljóðver Fótbolta.net og ræddu meðal annars um Elmar.
Þann 5. apríl verður flautað til leiks í Bestu deildinni með viðureign Íslandsmeistara Breiðabliks og nýliða Aftureldingar. Í hlaðvarpsseríunni Niðurtalningin er rætt við stuðningsmenn og sérfræðinga um liðin í deildinni.
Aftureldingu er spáð tíunda sæti. Ármann Örn Vilbergsson og Elvar Magnússon, stuðningsmenn Aftureldingar, mættu í hljóðver Fótbolta.net og ræddu meðal annars um Elmar.
„Ég er ógeðslega spenntur að fylgjast með honum. Það eru forréttindi að fá að rölta niður á Varmá og fylgjast með Elmari. Hann er svo ógeðslega góður í fótbolta og það verður ótrúlega gaman að sjá hvernig hann tekst á við betri deild," segir Ármann og Elvar tekur undir.
„Það kæmi mér ekki á óvart ef hann myndi byrja á þrennu gegn Blikunum og halda síðan áfram. Hann er það góður, hann er æðislegur leikmaður. Ég held að öll lið myndu reiða sig á hann ef þau væru með hann," segir Elvar og Ármann bætir við.
„Vonandi verður hann kominn í fullt stand, hann er búinn að vera eitthvað meiddur núna en verður vonandi klár fyrir fyrsta leik."
Um daginn var greint frá því að Víkingur hefur áhuga á Elmari en það þarf mikið til að Mosfellingar hleypi honum í burtu.
„Við viljum 300 milljónir, ekki krónu minna!" sagði Ármann á léttu nótunum.
„Ég held að hann sé bara klár í að taka slaginn með okkur, sýna sig og sanna með sínu liði. Ég held að það þyrfti eitthvað stórkostlegt að gerast til að hann færi frá okkur fyrir tímabilið," segir Elvar en hægt er að hlusta á þáttinn hér að neðan eða í öllum helstu hlaðvarpsveitum.
Athugasemdir
