27.04.07 - 16:39
Magnús Már Einarsson
Arnar Þór Viðarsson til Graafschap á láni (Staðfest)
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Hollenska liðið De Graafschap hefur fengið íslenska landsliðsmanninn Arnar Þór Viðarsson að láni frá Twente og gildir samningurinn frá því í sumar og út næsta tímabil.
De Graafschap greindi frá þessu á heimasíðu sinni í dag en liðið er efst í hollensku 1.deildinni og hefur það tryggt sér úrvalsdeildarsæti fyrir næsta tímabil.
,,Við teljum okkur hafa fyllt upp í mikilvæga stöðu í liðinu með því að fá Viðarsson," segir á heimasíðu De Graafschap í dag.
Arnar Þór hefur leikið á fimmta tug landsleikja fyrir Íslendinga og skoraði í þeim tvö mörk en hann hefur verið á mála hjá Twente í um það bil eitt og hálft ár.
Hann hefur hins vegar fengið fá tækifæri á þessu tímabili og einungis leikið tvo deildarleiki en áður en hann kom til Twente var Arnar Þór á mála hjá Lokeren í Belgíu þar sem hann var fastamaður.
,,Við teljum okkur hafa fyllt upp í mikilvæga stöðu í liðinu með því að fá Viðarsson," segir á heimasíðu De Graafschap í dag.
Arnar Þór hefur leikið á fimmta tug landsleikja fyrir Íslendinga og skoraði í þeim tvö mörk en hann hefur verið á mála hjá Twente í um það bil eitt og hálft ár.
Hann hefur hins vegar fengið fá tækifæri á þessu tímabili og einungis leikið tvo deildarleiki en áður en hann kom til Twente var Arnar Þór á mála hjá Lokeren í Belgíu þar sem hann var fastamaður.
Heimild: Heimasíða De Graafschap
