„Frammistaðan var nokkuð góð hjá okkur og við vorum yfir 2-0. Við fáum svo á okkur hornspyrnu í lok fyrri hálfleiks og þeir skora 2-1 og því var svolítið erfitt að koma inn í klefa í hálfleik, en við vorum 2-1 yfir og frammistaðan nokkuð góð hjá okkur á frábærum Víkingsvelli."

„Við komum svo inn í seinni hálfleikinn og fáum á okkur tvö mörk og tap,“ sagði Ágúst Gylfason, þjálfari Gróttu, aðspurður hvað hann tæki út úr leik síns liðs í kvöld sem tapaði fyrir Víkingi R. 3-2 í æfingarleik á Víkingsvelli.

Æfingarvikan hefur verið strembin, en stutt er síðan lið fengu að hefja æfingar að fullum krafti á ný og stutt í að mótið hefjist. En er Ágúst sáttur með standið á sínum mönnum?

„Já, það var mjög kærkomið að fá þennan æfingarleik fyrir okkur og bæði lið að sjálfsögðu, en menn eru ekkert búnir að vera mikið í fótbolta upp á síðkastið og þá er líka bara gott að við komumst meiðslafríir frá leiknum sem er líka jákvætt.“

Grótta heldur í fyrramálið á Norðurland í æfingarferð og leikur meðal annars æfingarleik við Dalvík/Reyni næstkomandi laugardag.

„Við erum að fara í fyrramálið í æfingarferð til Siglufjarðar og Dalvíkur og verðum þar í fimm daga og spilum við Dalvík/Reyni á laugardaginn. Það spáir hitabylgju fyrir norðan, 15 stig svo við tökum því fagnandi og þetta verður skemmtileg ferð.“

Allt viðtalið má sjá í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit