Einar Guðnason.
Einar Guðnason hefur verið ráðinn þjálfari meistaraflokks kvenna í fótbolta til næstu þriggja ára en félagið hefur tilkynnt þetta.
Víkingur er í næstneðsta sæti Bestu deildar kvenna með sjö stig sem er langt undir væntingum en liðinu var spáð þriðja sæti.
Einar hefur verið búsettur í Svíþjóð undanfarin ár en hann var aðstoðarþjálfari meistaraflokks karla hjá Víkingi áður en hann hélt út.
Víkingur er í næstneðsta sæti Bestu deildar kvenna með sjö stig sem er langt undir væntingum en liðinu var spáð þriðja sæti.
Einar hefur verið búsettur í Svíþjóð undanfarin ár en hann var aðstoðarþjálfari meistaraflokks karla hjá Víkingi áður en hann hélt út.
Úr tilkynningu Víkings:
Hann tekur við starfinu af John Andrews sem lét af störfum í byrjun vikunnar. Einar mun formlega taka við starfinu þegar hann kemur til landsins frá Svíþjóð á næstu dögum.
Einar hefur sinnt flestum hlutverkum hjá Víking áður en hann hélt til Svíþjóðar árið 2021. Hann spilaði upp alla yngri flokkana, var leikmaður í meistaraflokki, þjálfari yngri flokka, yfirþjálfari barna- og unglingaráðs og síðast aðstoðarþjálfari meistaraflokks karla. Í Svíþjóð hefur Einar sinnt starfi „transition“ þjálfara hjá Örebro þar sem hann aðstoðaði leikmenn að taka skrefið úr akademíu og inn í aðalliðið. Þá hefur hann síðastliðin tvö tímabil þjálfað U-19 kvenna í akademíunni hjá Örebro.
Einar býr yfir gríðarlegri reynslu, þekkingu og Víkingshjarta sem leikmenn okkar og aðrir sem starfa í kringum félagið munu njóta góðs af. Knattspyrnudeild Víkings fagnar því að fá Einar aftur heim í hamingjuna og hlökkum við til að starfa með honum.
Víkingur TV náði tali af Einari sem er staddur í Svíþjóð.
„Ég er virkilega stoltur að vera orðinn þjálfari mfl kvenna hjá Víkingi. Þetta er draumastarfið mitt sem ég hef haft á markmiðalistanum mínum í mörg ár. Tækifærið kom núna og því ekkert annað í stöðunni fyrir mig en að stökkva á það. Þau sem þekkja mig vita að ég hef mikinn metnað og ástríðu fyrir öllu því sem viðkemur Víkingi og ég ætla að leggja mitt af mörkum til að byggja ofan á það frábæra starf sem hefur verið unnið í Víkinni síðustu ár," segir Einar.
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 10 | 8 | 1 | 1 | 40 - 7 | +33 | 25 |
| 2. Þróttur R. | 10 | 8 | 1 | 1 | 23 - 8 | +15 | 25 |
| 3. FH | 10 | 7 | 1 | 2 | 23 - 11 | +12 | 22 |
| 4. Þór/KA | 10 | 6 | 0 | 4 | 19 - 16 | +3 | 18 |
| 5. Fram | 10 | 5 | 0 | 5 | 14 - 21 | -7 | 15 |
| 6. Valur | 10 | 3 | 3 | 4 | 12 - 14 | -2 | 12 |
| 7. Stjarnan | 10 | 4 | 0 | 6 | 11 - 22 | -11 | 12 |
| 8. Tindastóll | 10 | 3 | 1 | 6 | 15 - 20 | -5 | 10 |
| 9. Víkingur R. | 10 | 2 | 1 | 7 | 16 - 26 | -10 | 7 |
| 10. FHL | 10 | 0 | 0 | 10 | 4 - 32 | -28 | 0 |
Athugasemdir
