Töluðu svo mikið um mögulegt leikbann að það raungerðist - „Ótrúlega svekkjandi"

Birgir, sem er næstmarkahæsti leikmaður KA á tímabilinu, verður sjálfur ekki með KA þar sem hann kom sér í leikbann með því að fá gult spjald gegn ÍBV í síðasta leik.

„Ég vissi fyrir leikinn gegn ÍBV að ef ég fengi gult þá yrði ég í banni. Við töluðum mikið um það í Eyjum og Grímsi sagði mér að hætta að tala um það. Ég held að þetta hafi verið of mikið rætt sem varð til þess að ég fékk svo gult."

„Ég áttaði mig á því um leið og ég negldi Arnór (Inga Kristinsson) niður að ég væri að fá gult, hélt ég myndi ná boltanum en svo var ekki."

„Það er bara ótrúlega svekkjandi að fá ekki að spila fyrsta leikinn á ótrúlega flottum nýjum heimavelli en ég verð á vellinum og held uppi stemningunni. "

Hver eru þín skilaboð til liðsfélaganna?

„Valtið yfir þetta lið og fögnum þessu saman inn í klefa eftir leik."

Að lokum, hvernig spáir þú þessum leik?

„Sagan á það til að endurtaka sig svo ég spái 3-0 heimasigri," segir Birgir að lokum.