Drátturinn hjá ensku liðunum: Nokkuð þægilegt fyrir Liverpool

Fimm ensk lið verða í Meistaradeildinni og rétt í þessu kom í ljós hvaða lið mætast í deildarkeppninni í ár. Arsenal, Manchester City, Manchester United, Liverpool og Aston Villa eru fulltrúar Englands.

Hvert lið spilar átta leiki; fjóra heimaleiki og fjóra útileiki. Liðin mæta tveimur liðum úr öllum fjórum styrkleikaflokkunum og geta ekki mætt liði frá sínu landi. Arsenal, Man City og Liverpool voru í efsta styrkleikaflokki en Man Utd og Aston Villa voru í flokki tvö.

Arsenal tekur á móti Real Madrid, heimsækir Bayern München og fær Hákon Arnar Haraldsson og félaga í Lille í heimsókn á Emirates.

Man City fær Evrópumeistarana í PSG í heimsókn og fer til Barcelona og mætir þar Rodri og hans félögum í Barca.

Liverpool fær Atletico í heimsókn og fer í til Mílanó og Tyrklands.

Aston Villa fékk nokkuð erfiðan drátt, liðið fær PSG í heimsókn og fer til Barcelona. Liðið þarf einnig að heimsækja Galatasaray og tekur á móti Dortmund á heimavelli. Amin Cosic og hans félagar í Viking koma þá í heimsókn á Villa Park.

Man Utd fær Bayern í heimsókn og fer til Madrídar og mætir þar Atletico. United mætir þá ítalska liðinu Como, lærisveinum Cesc Fabregas, á útivelli en Como var í fjórða styrkleikaflokki.

Ekki er ljóst á þessum tímapunkti hvenær leikirnir verða spilaðir.