Shaun Maloney tekinn við Wigan (Staðfest)

Toure hélst aðeins í starfi í tvo mánuði hjá Wigan og var liðið sigurlaust í öllum níu leikjunum undir hans stjórn.

Shaun Maloney tekur við keflinu en hann var leikmaður Wigan og skoraði 15 mörk í 91 leik fyrir félagið frá 2011 til 2015. Maloney starfaði síðast við stjórnvölinn hjá Hibernians í Skotlandi en þar áður var hann meðal aðstoðarþjálfara Roberto Martinez hjá belgíska landsliðinu.

Stjórinn er nýlega búinn að eiga fertugsafmæli og eru tæplega sex ár liðin síðan hann lagði takkaskóna á hilluna. Maloney lék 47 landsleiki fyrir skoska landsliðið, var lykilmaður í liði Celtic og lék einnig fyrir Aston Villa og Hull City á Englandi.

Maloney skrifar undir þriggja og hálfs árs samning við Wigan, sem er á botni Championship deildarinnar með 25 stig úr 28 leikjum - fjórum stigum frá öruggu sæti í deildinni.

???????? We are delighted to confirm the appointment of Shaun Maloney as the Club's First Team Manager.#wafc ?????? #BELIEVE

— Wigan Athletic (@LaticsOfficial) January 28, 2023