Sigurður Egill átti frábæran leik
Baldur Hannes skoraði mikilvægt þriðja mark heimamanna
Þróttur R. 3 - 1 Víkingur Ó.
1-0 Adam Árni Róbertsson ('18 )
2-0 Aron Snær Ingason ('55 )
2-1 Naim Aaras EL Hmaidi ('59 )
3-1 Baldur Hannes Stefánsson ('65 )
Lestu um leikinn
1-0 Adam Árni Róbertsson ('18 )
2-0 Aron Snær Ingason ('55 )
2-1 Naim Aaras EL Hmaidi ('59 )
3-1 Baldur Hannes Stefánsson ('65 )
Lestu um leikinn
Þróttur R. er kominn áfram í 32-liða úrslit Mjólkurbikarsins eftir nokkuð sannfærandi 3-1 sigur á Víkingi Ólafsvík á AVIS-vellinum í Laugardal í dag.
Adam Árni Róbertsson skoraði fyrir Þróttara á 18. mínútu eftir fyrirgjöf frá vinstri og voru heimamenn líklegir til að bæta við áður en hálfleikurinn var úti.
Nokkuð þægilegt en Ólsarar veittu þeim mótstöðu í byrjun síðari hálfleiks áður en heimamenn náðu aftur betri tökum á leiknum.
Aron Snær Ingason tvöfaldaði forystuna á 55. mínútu með skemmtilegum töktum. Sigurður Egill Lárusson átti langa sendingu þvert yfir völlinn á Aron, sem náði góðri snertingu áður en hann setti boltann snyrtilega framhjá Jóni Kristni Elíassyni í markinu.
Þróttarar gáfu Ólsurum líflínu er þeir reyndu að spila úr vörninni, en sendingin fór beint á Allysson Da Silva. Hann reyndi skot sem Aron Dagur Birnuson varði út á Naim El Hmaidi sem minnkaði muninn í eitt mark.
Heimamenn voru þó fljótir að drepa vonir Ólsara. Aftur var það Sigurður Egill með frábæran bolta og í þetta sinn inn á teiginn á fyrirliðann Baldur Hannes Stefánsson sem stangaði hann í netið.
Eftir það voru Þróttarar líklegri til að bæta við en létu sér nægja þrjú mörk.
Þróttur er kominn áfram í 32-liða úrslit bikarsins þar sem það mun heimsækja ÍBV til Vestmannaeyja.
Athugasemdir
