Franska félagið Rennes er að ganga frá lánssamningi fyrir miðvörðinn Joe Rodon.
Rodon kemur á eins árs lánssamningi frá Tottenham með 20 milljón evru kaupmöguleika.
Rodon er 24 ára gamall landsliðsmaður Wales sem var keyptur til Tottenham fyrir tveimur árum síðan.
Hann hefur átt í miklum erfiðleikum með að festa sig í sessi hjá félaginu og hefur aðeins spilað 24 leiki.
Rodon er ekki eini miðvörðurinn sem er á leið til Rennes þessa dagana því Arthur Theate er að koma frá Bologna.
Rennes mun borga um 20 milljónir evra fyrir belgíska miðvörðinn Theate sem stóð sig gífurlega vel á sinni fyrstu leiktíð hjá Bologna.
Miðverðirnir eiga að fylla í skarðið sem Nayef Aguerd skilur eftir sig eftir að hann var seldur til West Ham fyrir fúlgu fjárs. Nú er Rennes einnig á eftir sóknarmanni eftir söluna á Mathys Tel til FC Bayern.
Rennes átti frábært tímabil og endaði í þriðja sæti frönsku deildarinnar. Félagið þarf því að styrkja sig fyrir Evrópudeildina í haust.