U15 sigraði heimamenn í vítakeppni

U15 karla gerði 3-3 jafntefli við Austurríki í fyrsta leik liðsins á þróunarmóti UEFA sem fram fer í Austurríki.

Guðmundur Brynjar Wehmeier úr Val, Þórður Páll Sölvason úr ÍA og Novak Tufegdzic sem er hjá Malmö skoruðu mörk Íslands í leiknum.

Ef leikir enda með jafntefli eftir venjulegan leiktíma á mótinu er farið í vítaspyrnukeppni og vann Ísland hana að þessu sinni.