Kvennalið Lyon í Frakklandi hefur beðið UEFA um að fresta leik liðsins við Paris Saint-Germain í 8-liða úrslitum Meistaradeildarinnar.
Frá þessu er greint í kvöld en fjórir aðilar hjá Lyon greindust nýlega með COVID-19. Liðið vann Dijon 3-0 í frönsku deildinni um helgina.
Samkvæmt leikjadagskránni á Lyon að spila við PSG á miðvikudag en liðið vill fá að fresta viðureigninni.
Lyon vann fyrri leikinn með einu marki gegn engu en Sara Björk Gunnarsdóttir leikur með liðinu.
PSG þurfti fyrr á tímabilinu að gefa leik gegn Sparta Prag í 16-liða úrslitum keppninnar og tapaði þar með 3-0 en það kom ekki að sök eftir að hafa unnið fyrri leikinn 5-0.
Athugasemdir