Radzinski til liðs í Grikklandi (Staðfest)

Þessi kanadíski leikmaður hefur verið að leita sér að nýju félagi í allt sumar eftir að samningur hans við Fulham rann út eftir síðastliðið tímabil.

Radzinski er 33 ára sóknarmaður og hann skrifaði undir tveggja ára samning við Xanthi eftir að hafa gengist undir læknisskoðun hjá félaginu. Hann sagði að metnaður forsvarsmanna félagsins hafi sannfært sig um að ganga til liðs við félagið.

,,Ef eitthvað er að marka samtöl mín við fólkið hjá Xanthi þá er þetta metnaðarfullt félag, það heillar mig því að ég vil spila fyrir félag sem hefur háleit markmið," sagði Radzinski við gríska fjölmiðla í dag.