Alisson og Jota næstu vikur á meiðslalistanum

Klopp og Alisson.

Mynd: EPA

Klopp og Alisson.

Mynd: EPA

Markvörðurinn Alisson Becker hjá Liverpool meiddist í 1-1 jafnteflinu gegn Manchester City síðasta laugardag. Jurgen Klopp stjóri Liverpool sagði á fréttamannafundi í dag að Alisson myndi missa af næstu leikjum liðsins.

Hann verður ekki með gegn austurríska liðinu LASK í Evrópudeildinni á morgun og ekki heldur með gegn Fulham á sunnudag. Þá er ólíklegt að hann geti spilað gegn Sheffield United eftir viku.

„Svo þurfum við að sjá til," segir Klopp en Alisson ætti að geta snúið aftur áður en Liverpool mætir Manchester United þann 17. desember.

Varamarkvörður Liverpool er Caoimhín Kelleher og hann mun standa vaktina næstu leiki.

„Hann hefði spilað leikinn á morgun hvort sem er og á skilið að fá tækifæri í fleiri leikjum. Vonandi nær hann að sýna hvað hann getur," segir Klopp.

Portúgalski sóknarleikmaðurinn Diogo Jota er einnig á meiðslalistanum. Klopp segir að meiðsli hans séu verri en hjá Alisson og hann verði lengur frá.

„Við vitum ekki nákvæmlega hversu lengi hann verður fjarverandi, meiðslin eru aðeins verri hjá honum."

Liverpool manager Jurgen Klopp confirms Alisson will be out for at least two weeks following an injury sustained against Manchester City ???????? pic.twitter.com/pxC1C95wTG
— Sky Sports News (@SkySportsNews) November 29, 2023

Stöðutafla

#	Lið	L	mun	Stig
1	Arsenal	38	+44	85
2	Manchester City	38	+42	78
3	Manchester Utd	38	+19	71
4	Aston Villa	38	+7	65
5	Liverpool	38	+10	60
6	Bournemouth	38	+4	57
7	Sunderland	38	-6	54
8	Brighton	38	+6	53
9	Brentford	38	+3	53
10	Chelsea	38	+6	52
11	Fulham	38	-4	52
12	Newcastle	38	-2	49
13	Everton	38	-3	49
14	Leeds	38	-7	47
15	Crystal Palace	38	-10	45
16	Nott. Forest	38	-3	44
17	Tottenham	38	-9	41
18	West Ham	38	-19	39
19	Burnley	38	-37	22
20	Wolves	38	-41	20

Diogo Jota.

Mynd: EPA

Caoimhin Kelleher ver mark Liverpool í næstu leikjum.

Mynd: Fótbolti.net - Hafliði Breiðfjörð