Ítalía: Cagliari upp fyrir Roma

Cagliari komst í kvöld upp fyrir Roma í Seríu A á Ítalíu í kvöld með því að vinna 1-0 sigur á Hellas Verona.

Aðeins eitt stig skildi liðin að fyrir leikinn í kvöld og bæði lið aðeins unnið einn af síðustu fimm deildarleikjum.

Heimamenn í Cagliari voru meira með boltann og sköpuðu sér betri færi en þegar um stundarfjórðungur var eftir gerði Roberto Piccoli sigurmarkið með fínu skoti úr teignum. Piccoli að skora annan leikinn í röð.

Cagliari er komið upp í 12. sæti deildarinnar og upp fyrir stórlið Roma á meðan Verona er í 16. sæti.