30.01.08 - 14:01
Magnús Már Einarsson
Alan Hutton til Tottenham (Staðfest)
Mynd: Getty Images
Mynd: Getty Images
Tottenham hefur gengið frá kaupunum á hægri bakverðinum Alan Hutton en hann kemur til liðsins frá Glasgow Rangers og er verðmiðinn talinn vera um það bil níu milljónir punda.
Félögin komust að samkomulagi um kaupverð í byrjun mánaðarins en hinn 23 ára gamli Hutton hafnaði hins vegar tvívegis samningstilboði frá Tottenham.
Nú hefur Tottenham hins vegar gengið frá kaupunum og er Hutton annar varnarmaðurinn sem kemur til liðsins í vikunni en í fyrradag kom Jonathan Woodgate frá Middlesbrough.
,,Við erum ánægðir með að geta tilkynnt að við höfum náð samkomulagi við Glasgow Rangers um félagaskipti Alan Hutton," segir í yfirlýsingu á heimasíðu Tottenham.
Hutton var einnig orðaður við Manchester United en nú er möguleiki að fyrsti leikur hans fyrir Tottenham verði gegn ensku meisturunum á Old Trafford næstkomandi laugardag.
Nú hefur Tottenham hins vegar gengið frá kaupunum og er Hutton annar varnarmaðurinn sem kemur til liðsins í vikunni en í fyrradag kom Jonathan Woodgate frá Middlesbrough.
,,Við erum ánægðir með að geta tilkynnt að við höfum náð samkomulagi við Glasgow Rangers um félagaskipti Alan Hutton," segir í yfirlýsingu á heimasíðu Tottenham.
Hutton var einnig orðaður við Manchester United en nú er möguleiki að fyrsti leikur hans fyrir Tottenham verði gegn ensku meisturunum á Old Trafford næstkomandi laugardag.
Heimild: BBC
