Davíð Kristján Ólafsson á æfingu í Katar.
Norska B-deildarliðið Álasund hefur gert tilboð í Davíð Kristján Ólafsson, vinstri bakvörð Breiðabliks.
„Álasund hefur komið með tilboð en það er ekki í samræmi við getu leikmannsins. Davíð er að okkar mati besti vinstri bakvörður deildarinnar og því þarf alvöru tilboð ef eitthvað á að gerast," segir Sigurður Hlíðar Rúnarsson verkefnisstjóri í knattspyrnudeild Breiðabliks.
„Álasund hefur komið með tilboð en það er ekki í samræmi við getu leikmannsins. Davíð er að okkar mati besti vinstri bakvörður deildarinnar og því þarf alvöru tilboð ef eitthvað á að gerast," segir Sigurður Hlíðar Rúnarsson verkefnisstjóri í knattspyrnudeild Breiðabliks.
Hinn 23 ára gamli Davíð spilaði sinn fyrsta landsleik fyrr í þessum mánuði en hann stóð sig vel í markalausu jafntefli gegn Eistum.
Davíð er uppalinn hjá Breiðabliki og hefur samtals skorað þrjú mörk í 93 deildar og bikarleikjum með liðinu.
„Davíð er leikmaður sem við höfum fylgst með síðan árið 2017. Það passar vel fyrir hann og Álasund að hann komi hingað í nokkra daga til að við náum að kynnast betur," sagði Bjørn Erik Melland yfirmaður íþróttamála hjá Álasund á heimasíðu félagsins núlega.
Álasund tapaði í umspili um sæti í norsku úrvalsdeildinni í haust en liðið komst ekki upp úr B-deildinni eftir að hafa verið í góðri stöðu lengi vel á tímabilinu.
Aron Elís Þrándarson, Daníel Leó Grétarsson og Hólmbert Aron Friðjónsson eru allir á mála hjá Álasund en Adam Örn Arnarson yfirgaf félagið nýlega.
Athugasemdir
