Ítalski vængmaðurinn Lorenzo Insigne er genginn í raðir Pescara en hann hefur verið án félags frá því í sumar er hann rifti samningi sínum við Toronto í MLS-deildinni.
Insigne er þekktastur fyrir tíman sinn hjá Napoli, þar sem hann var einn besti leikmaður Serie A og skoraði 122 mörk í 434 leikjum fyrir félagið.
Hann hefur áður leikið með Pescara, þá á láni frá Napoli í ítölsku Serie B, og átti þar frábært tímabil með 20 mörk í 38 leikjum.
Pescara situr um þessar mundir á botni Serie B, sex stigum frá sæti í umspili. Fyrir um mánuði var Insigne orðaður við Lazio, en þær viðræður virðast hafa runnið út í sandinn og snýr hann því aftur til Pescara.
Athugasemdir
