Halli: Þýðir ekki að leggjast niður og grenja

„Gríðarleg vonbrigði og svekkelsi að tapa þessum leik hérna 0-3 á heimavelli. Við ætluðum okkur að sjálfsögðu að koma hérna og ná í þrjú stig og verja heimavöllinn okkar" sagði Haraldur Freyr Guðmundsson þjálfari Keflvíkinga svekktur í leikslok.

HK komst snemma tveimur mörkum yfir í kvöld og voru því í þægilegri stöðu í hálfleik.

„Það er ekkert að gerast í þessum leik fyrr en við ákváðum að gefa þeim mark með því að vera með lélega sendingu til baka á markvörðinn okkar sem gefur víti" 

„Fljótlega eftir það spila þeir langt og við töpum seinni boltanum, einn í gegn og 2-0 sem er erfið staða á mót þéttu liði HK sem að verst vel og berjast eins og menn með fljóta stráka fram á við. Við vissum það að það yrði á brattan að sækja" sagði Haraldur Freyr. 

Keflvíkingar mættu öflugir inn í seinni hálfleikinn en náðu þó ekki að koma boltanum í netið.

„Í seinni hálfleik finnst mér við vera með stjórn á leiknum og spilum vel úti á velli þó án þess að ná að skapa okkur kannski nógu mikið af færum" 

„Fáum þó mikið af hornspyrnum og hálffærum, tvisvar sinnum í slá og Ljúbbi [Stefán Ljubicic] fær færi eftir tvær mínútur í seinni hálfleik sem að hefði gert mikið fyrir okkur að fá smá orku með því að setja á þá mark en við náðum aldrei að setja þá almennilega undir pressu" 

„Þriðja markið hjá þeim þá erum við komnir með allt okkar fram og eðlilega fáum við á okkur færi þegar við erum opnir og niðurstaðan 3-0 og bara mikil vonbrigði en það þýðir ekki að leggajst niður og grenja. Við þurfum að járna upp og mæta eins og menn í næsta leik" 

Nánar er rætt við Harald Frey Haraldsson þjálfara Keflavíkur í spilaranum fyrir ofan.