Heimir Guðjóns ósáttur með varnarleikinn: Það er ekki hægt að bíða mikið lengur

„Við fáum á okkur mark þar sem er auðveldlega hægt að koma í veg fyrir með því að hreinsa boltann í burtu, erum ekki klárir í seinni boltann og svo missa tveir varmarmenn mann framhjá sér og komnir í yfirtölu og seinni markið er náttúrulega bara þannig að besti skallamaðurinn í KA liðinu (Elfar Árni) var búin að vera frír í einhverjar tíu sekúndur og það kann aldrei góðri lukku að stýra. 2-0 í hálfleik og mér fannst við ekkert ná að ógna þeim að neinu viti í seinni hálfleik og endanum bara sanngjarn sigur."

FH fékk nokkra mjög góða sénsa í stöðunni 0-0 til að komast yfir í leiknum en liðinu tókst ekki að koma boltanum yfir línuna í dag.

„Ég var ósáttur að ná ekki að klára færin en bara aðalega ósáttur við það að við fáum alltof mikið af mörkum á okkur og það er alveg sama hvað við spilum vel og ég meina KA fékk í fyrri hálfleik. Skoruðu tvö mörk og fengu eitt færi í leiknum. Eitt fast leikatriði og svo eina hornspyrnu og við fengum á okkur tvö mörk og það er náttúrulega bara búin að vera saga sumarsins, við missum einbeitinguna og erum ekki klárir og fáum alltof mikið af mörkum á okkur. Þú lendir alltaf í því að því að þurfa skora þrjú eða fjögur mörk til að vinna að vinna leiki og við þurfum að laga þetta. Það er búin 21 umferð og það er ekki hægt að bíða mikið lengur."

Staðan í hálfleik var 0-2 fyrir FH og var Heimir spurður hvernig hann hafi lagt upp síðari hálfleikinn.

„Ég vildi ekki breyta í hálfleik. Mér fannst bara leikmenn vera leggja sig fram og vildu gera hlutina vel og þessvegna tókum við ákvörðun um að gera engar breytingar en við vorum ekki sjálfum okkur líkir í síðari hálfleik og eftir að KA komst í 0-3 þá snérist þetta bara um að lágmarka skaðann."

Viðtalið við Heimi má sjá í sjónvarpinu hér að ofan þar sem Heimir var spurður út í lokaumferðina í hefbundinni deildarkeppni en framundan er tvískipting á Bestu deildinni.