Andri Rúnar er kominn í 19 marka klúbbinn
„Það er mjög erfitt, en ég get aðallega sagt að þetta hafi verið léttir," sagði Andri Rúnar Bjarnason, framherji Grindavíkur um sigurmarkið sem hann skoraði gegn Fjölni í dag. Mark Andra var hanas nítjánda í sumar og jafnaði hann markamet Péturs Péturssonar, Guðmundar Torfasonar, Þórðar Guðjónssonar og Tryggva Guðmundssonar.
Andri Rúnar klúðraði úr vítaspyrnu í fyrri hálfleik og hefði hann því hæglega getað bætt metið í dag. Andri Rúnar skaut í stöngina úr vítaspyrnunni.
„Nei ég var ekki stressaður, ég var aðallega fúll í stuttan tíma eftir á. Ég horfði á hann fara í hitt hornið og ég ætlaði bara að leggja hann í hægra hornið. Ég setti hann bara alltof langt. Lélegt."
Enginn leikmaður hafði ógnað markametinu svona ógurlega líkt og Andri Rúnar gerði og er hann stoltur af því að fá að tilheyra þessum hópi manna sem hafa skorað 19 mörk á einu tímabili.
„Að sjálfsögðu er ég stoltur. Þetta er magnaður hópur til að vera í. Ég er bara fáránlega sáttur."
Pressan hefur verið mikil á Andra Rúnari seinni hluta tímabilsins þegar í ljós kom að hann ætti raunhæfan möguleika á að slá metið. Fjölmiðlar töluðu mikið um metið og var hann spurður út í það í nánast hverju einasta viðtali.
„Það var auðvelt að kúpla sig frá þessu þangað til fyrir svona tveimur-þremur vikum. Þá var áreitið orðið svakalegt. Ekki bara fjölmiðlar, heldur bara allir í kring. Þannig þetta var orðið svona pínu. En mér finnst ég hafa sýnt ágætis styrk að ná þessu."
Fyrir tímabilið bjóst enginn við neinu frá Grindavík. Flestir, ef ekki allir spáðu liðinu falli en liðið hefur komið mikið á óvart í sumar og endar í fimmta sæti deildarinnar.
„Þetta var geðveikt. Ég held að við höfum sokkað ansi marga."
Andri Rúnar er samningslaus eftir tímabilið og hefur hann ekki farið leynt með það að hann ætli að reyna fyrir sér úti. Ef ekki, þá verður hann hér á Íslandi.
„Stefnan mín er bara að komast út. Ég vona bara að það heppnist."
Andri Rúnar klúðraði þremur vítaspyrnum í sumar og hefði því hæglega getað slegið þetta markamet. Hann segir þó að vítaspyrnunar munu ekki svíða seinna meir.
„Nei ég verð búinn að gleyma þeim í kvöld."
Andri Rúnar klúðraði úr vítaspyrnu í fyrri hálfleik og hefði hann því hæglega getað bætt metið í dag. Andri Rúnar skaut í stöngina úr vítaspyrnunni.
„Nei ég var ekki stressaður, ég var aðallega fúll í stuttan tíma eftir á. Ég horfði á hann fara í hitt hornið og ég ætlaði bara að leggja hann í hægra hornið. Ég setti hann bara alltof langt. Lélegt."
Enginn leikmaður hafði ógnað markametinu svona ógurlega líkt og Andri Rúnar gerði og er hann stoltur af því að fá að tilheyra þessum hópi manna sem hafa skorað 19 mörk á einu tímabili.
„Að sjálfsögðu er ég stoltur. Þetta er magnaður hópur til að vera í. Ég er bara fáránlega sáttur."
Pressan hefur verið mikil á Andra Rúnari seinni hluta tímabilsins þegar í ljós kom að hann ætti raunhæfan möguleika á að slá metið. Fjölmiðlar töluðu mikið um metið og var hann spurður út í það í nánast hverju einasta viðtali.
„Það var auðvelt að kúpla sig frá þessu þangað til fyrir svona tveimur-þremur vikum. Þá var áreitið orðið svakalegt. Ekki bara fjölmiðlar, heldur bara allir í kring. Þannig þetta var orðið svona pínu. En mér finnst ég hafa sýnt ágætis styrk að ná þessu."
Fyrir tímabilið bjóst enginn við neinu frá Grindavík. Flestir, ef ekki allir spáðu liðinu falli en liðið hefur komið mikið á óvart í sumar og endar í fimmta sæti deildarinnar.
„Þetta var geðveikt. Ég held að við höfum sokkað ansi marga."
Andri Rúnar er samningslaus eftir tímabilið og hefur hann ekki farið leynt með það að hann ætli að reyna fyrir sér úti. Ef ekki, þá verður hann hér á Íslandi.
„Stefnan mín er bara að komast út. Ég vona bara að það heppnist."
Andri Rúnar klúðraði þremur vítaspyrnum í sumar og hefði því hæglega getað slegið þetta markamet. Hann segir þó að vítaspyrnunar munu ekki svíða seinna meir.
„Nei ég verð búinn að gleyma þeim í kvöld."
Athugasemdir
