Hólmar lánaður til Trelleborg (Staðfest)

Í upphafi mánaðarins samþykkti Keflavík tilboð í hinn 24 ára gamla Hólmar og fór hann síðan sjálfur út til að semja við liðið. Eftir langar samningaviðræður er nú komið í ljós að hann verður á láni til að byrja með hjá Trelleborg.

Hólmar sem hefur skorað fimmtán mörk í 89 deildarleikjum með Keflavík þarf hinsvegar að ákveða sig fyrir 1.apríl hvort hann vilji ganga alveg til liðs við Trelleborg því þá lokar félagaskiptaglugginn á Norðurlöndunum.

Ef hann mun ákveða að semja ekki við Trelleborg þá mun Hólmar spila með Keflvíkingum í Landsbankadeildinni næsta sumar samkvæmt heimasíðu liðsins.