31.01.06 - 13:46
Hafliði Breiðfjörð
Jonatan Johansson til Norwich (Staðfest)
Jonatan Johansson
Mynd: Getty Images
Jonatan Johansson
Mynd: Getty Images
Finnski landsliðsmaðurinn Jonatan Johansson gekk í dag í raðir Norwich City en framherjinn er lánaður frá Charlton Athletic út leiktíðina. Hann hefur ekki verið í náðinni hjá Alan Curbishley stjóra Charlton á leiktíðinni og hefur aðeins einu sinni verið í byrjunarliði og komið fjórum sinnum inná sem varamaður. Johansson er þrítugur.
,,Johansson er leikmaður sem við höfum haf áhuga á lengi," sagði Nigel Worthington stjóri Norwich á vefsíðu félagsins.
,,Hann er reyndur, hann hefur hraða og hann hefur alltaf getað skorað mörk."
Johansson hefur skorað 27 mörk í 148 leikjum í ensku úrvalsdeildinni síðan hann var keyptur til Charlton frá Rangers á 3,75 milljónir punda í júlí árið 2000.
,,Hann er reyndur, hann hefur hraða og hann hefur alltaf getað skorað mörk."
Johansson hefur skorað 27 mörk í 148 leikjum í ensku úrvalsdeildinni síðan hann var keyptur til Charlton frá Rangers á 3,75 milljónir punda í júlí árið 2000.
