Albert Högni til ÍR (Staðfest)

Albert Högni sem er 29 ára gamall hefur leikið fimm leiki með Grindvíkingum í sumar síðan að hann kom frá Haukum í vetur. Albert hefur einnig leikið með Aftureldingu, Leiftri/Dalvík og Þór hér á landi svo eitthvað sé nefnt.

ÍR-ingar fengu góðan liðsstyrk í gær þegar að Björn Viðar Ásbjörnsson kom til liðsins á láni frá Víkingi og nú hefur félagið fengið Albert Högna.

ÍR-ingar sem eru í þriðja sætinu í annarri deild mæta Selfyssingum sem eru í öðru sætinu í mikilvægum leik á morgun og þar ættu bæði Albert og Björn Viðar að geta leikið sinn fyrsta leik fyrir félagið.