31.08.07 - 09:55
Magnús Már Einarsson
Baldur Sigurðsson til Bryne (Staðfest)
Baldur fagnar marki gegn Fram fyrr í sumar.
Mynd: Víkurfréttir/Hilmar Bragi
Baldur fagnar marki gegn Fram fyrr í sumar.
Mynd: Víkurfréttir/Hilmar Bragi
Baldur Sigurðsson leikmaður Keflvíkinga er farinn til norska 1.deildarliðsins Bryne en félögin hafa komist að samkomulagi um kaupverð og hefur leikmaðurinn skrifað undir samning samkvæmt heimasíðu Keflvíkinga.
Þessi fjölhæfi leikmaður sem getur leyst margar stöður á vellinum kom til Keflvíkinga frá Völsungi fyrir sumarið 2005 og hefur hann verið fastamaður í liði Keflvíkinga síðan þá.
Baldur hefur leikið alla fimmtán leiki Keflvíkinga í Landsbankadeildinni í sumar og skorað þrjú mörk.
Hann lék á sínum tíma fimm leiki með U-21 árs landsliði Íslendinga og fimm leiki með U-19 ára landsliðinu.
Bryne er í sjötta sæti í norsku fyrstu deildinni en félagið hefur einnig sýnt Gunnari Erni Jónssyni leikmanni Breiðabliks áhuga og hefur hann undir höndum samningstilboð frá félaginu.
Baldur hefur leikið alla fimmtán leiki Keflvíkinga í Landsbankadeildinni í sumar og skorað þrjú mörk.
Hann lék á sínum tíma fimm leiki með U-21 árs landsliði Íslendinga og fimm leiki með U-19 ára landsliðinu.
Bryne er í sjötta sæti í norsku fyrstu deildinni en félagið hefur einnig sýnt Gunnari Erni Jónssyni leikmanni Breiðabliks áhuga og hefur hann undir höndum samningstilboð frá félaginu.
