Óskar Smári gerði góða hluti í Úlfarsárdalnum.
Óskar Smári Haraldsson hefur verið kynntur sem nýr þjálfari meistaraflokks kvenna hjá Stjörnunni. Óskar lét af störfum eftir að hafa náð góðum árangri sem þjálfari kvennaliðs Fram.
Stjarnan hafnaði í fjórða sæti Bestu deildarinnar í sumar.
Stjarnan hafnaði í fjórða sæti Bestu deildarinnar í sumar.
Óskar þekkir hvern krók og kima í Garðabænum þar sem hann þjálfaði yngri flokka félagsin frá árinu 2018 til ársins 2020.
Þá var hann partur af teymi meistaraflokks kvenna hjá Stjörnunni árið 2020 þegar liðið var undir stjórn Kristjáns Guðmundssonar.
Eftir veru sína hjá Stjörnunni hefur Óskar þjálfað meistaraflokk kvenna hjá Tindastóli og nú síðast var hann þjálfari meistaraflokks kvenna hjá Fram þar sem hann kom liðinu upp um tvær deildir á þremur árum.
„Óskar er ungur og upprennandi þjálfari og bindum við miklar vonir við störf hans fyrir félagið og hlökkum til að vinna með honum í frekari uppbyggingu á kvennastarfi félagsins," segir í tilkynningu Stjörnunnar.
Velkominn Óskar Smári!
Athugasemdir
