Gross á 16 landsleiki fyrir Þýskaland.
Enska úrvalsdeildarfélagið er að kaupa miðjumanninn Pascal Gross aftur til félagsins úr röðum þýska stórveldisins Borussia Dortmund.
Gross er 34 ára Þjóðverji sem átti aðeins sex mánuði eftir af samningi sínum við Dortmund, en hann er ekki með fast sæti í byrjunarliðinu þar. Gross hefur þó komið við sögu í 16 leikjum á tímabilinu og gefið tvær stoðsendingar.
Gross lék fyrir Brighton frá 2017 til 2024 og var í mikilvægu hlutverki þar til Dortmund keypti hann fyrir um 10 milljónir evra í fyrrasumar.
Talið er að Brighton komi til með að greiða um tvær milljónir evra til að fá Gross til sín fyrir samningslok hans hjá Dortmund næsta sumar.
Talið er að félagaskiptin verði gengin í gegn fyrir helgi og þá verður Gross liðtækur fyrir leik Brighton á heimavelli gegn fallbaráttuliði Burnley um helgina.
Athugasemdir
