17. umferðinni í Inkasso-deildinni lauk í gær þegar tveir leikir voru á dagskrá.

Úrvalsliðið er að þessu sinni í 4-4-2. KA á tvo menn sem og þjálfara umferðarinnar, Srdjan Tufegdzic, eftir góðan 3-1 heimasigur á Leikni R. KA menn voru 3-0 yfr eftir einungis 25 mínútna leik!

Grindvíkingar halda toppsætinu eftir 4-0 sigur á HK og þeir eiga tvo fulltrúa í liðinu líkt og Fram sem á tvo fulltrúa eftir sigur á Keflavík.

Haukar fóru langt með að tryggja sæti sitt með sigri á Leikni F. og þeir eiga tvo fulltrúa eins og Þórsarar sem fóru á Seyðisfjörð og unnu Hugin í leik þar sem þrjú rauð spjöld fóru á loft.