Varnarmaðurinn Ragnar Sigurðsson er lykilmaður í íslenska landsliðinu en hann hefur verið úti í kuldanum hjá félagsliði sínu, Fulham í Championship-deildinni.
Ragnar segist vera vel gíraður í landsleikinn gegn Kosóvó á föstudag og segir að sú staðreynd að hann hafi ekki spilað fótboltaleik lengi geri það að verkum að tilhlökkunin sé enn meiri en venjulega.
„Það er hundleiðinlegt að vera ekki að spila en það eru „ups and downs" í þessum fótbolta og þetta er þannig lagað séð í fyrsta skipti hjá mér þar sem mér gengur ekki vel hjá félagsliði mínu. Þetta er meira leiðinlegt frekar en erfitt," segir Ragnar.
„Þetta er tímabil hjá mér þar sem reynir meira á mig en venjulega. Þó þetta sé leiðinlegt núna þá gerir þetta mann sterkari fyrir komandi framtíð."
„Ég er mjög „mótiveraður" eins og ég er alltaf fyrir landsleiki og ég er í fínu formi. Ég er ekki áhyggjufullur. Sjálfstraustið er ekki 100% eins og hjá öllum sem eru ekki að spila nægilega mikið. En með þetta lið í kringum sig ættu ekki að vera nein vandamál."
Viðtalið má sjá í heild í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir