Stefán Þór Eysteinsson, fyrirliði Fjarðabyggðar, var glaður í bragði eftir að lið hans sigraði HK 1-3 í Kórnum í kvöld. Stefán skoraði fyrsta mark leiksins og átti góðan leik á miðjunni.
Lestu um leikinn: HK 1 - 3 Fjarðabyggð
„Við kannski sleppum nokkrum sinnum í fyrri hálfleik en að sama skapi við óheppnir að skora ekki fleiri. Okkur finnst gaman að spila fótbolta eins og á að spila hann.“
Það er ekki á hverjum degi sem Stefán skorar. „Við vorum að reikna það, einu sinni á 10 leikja fresti, vonandi breyti ég þessari tölfræði.“
Fjarðabyggð getur komið sér upp í 2. sæti deildarinnar ef þeir sigra Víking Ó um næstu helgi. „Við erum í þessu fyrir áskoranir og við förum ekkert öðruvísi í næsta leik og höldum okkar róli. Ég er sannfærður um að við munum standa okkur vel.“
Athugasemdir